Vossa Jazz 2021 finn stad i palmehelga, 26. - 28. mars. 

Festivalen er kjend for å vera nyskapande og har i mange år presentert tingingsverk og andre prosjekt. Den musikalske profilen femner om jazz, folkemusikk og verdsmusikk. Badnajazz, ungdomssatsinga Yngdajazz, Eldrejazz og Superjazz for menneske med funksjonshemmingar er alle viktige element i festivalen.

Til Vossa Jazz 2021 kjem Fliflet/Hamre, Kjartan Fløgstad band, Skarbø Skulekorps, Jonas Alaska, Jaga Jazzist, Arild Andersen med Sagn, Ingebrigt Håker Flaten med Tingingsverket Exit KNARR, Bare Egil Spellemansslag, Mathias Eick og Hildegunn Øiseth Quartet – og mange fleire!